今時今日斜桿族 (SLASH) 已經係一種新工作常態。一個人做幾個業務，一份正職外建立自己的副業已經是一件天經地義的事情。尤其呢兩年疫情底下，好多SLASH朋友將自己的興趣發展另一門事業，例如創作首飾、手工皂、文創產品等。
今時今日開展一門新生意其實係好容易 (發展到先係重點)，係IG開個Account或者Facebook開個專頁已經可以開始了。不過初初單靠線上一條腿是會比較慢，未必立即有錢返。因為始終線上需要時間去建立信任，有好多朋友可能會因此慢慢失去動力去經營自己的興趣副業。所以線下直接接觸潛在客戶係開展事業初期都好重要，而且你可以更直接知道你的作品在市場的接受程度如何，如果產品本身有一定質素其實好快已經可以賣得到。線下方面，初期我絕不建議開鋪，因為成本太高而且會令你欠缺彈性。一開始我會建議擺市集，當然唔係所有產品都適合市集，但一般手作產品都會適合。
為何市集適合試業？
作為創業者的Slash資金同彈性是一個非常重要的考量因素，要讓自己有「試」的餘地，如果試完不成功也可以抽身變陣。所以市集會係一個不錯的試金平台，不少年青Slash朋友仔都係由市集開始慢慢做到可以入甲級商鋪，甚至衝出香港的知名品牌。
首先，擺市集的成本不高。一般而言，租金大約在$350-600/日不等，視乎地點及相關搞手配套。而且，市集通常都是在周末舉行，所以基本上擺一次市集成本大約$1000左右。縱使試金失敗也只是損失$1000，相比租鋪簽一年「死約」鎖你6位數去「試業」化算好多了。而且在市集界衍生了一種文化：「夾檔」，就是兩個檔主分享一個檔位，分擔租金令負擔大大降低。
第二，快速建立信任度。文章開頭都提到，創業初期線上開IG/FB甚至Online Store翻數慢的最主要原因係欠缺信任度。近年網上騙案太多，剛開業Followers/ Like數未夠的情況下，是一個硬傷。尤其好多Slash朋友一開始連BR都沒有，又只用個人銀行戶口收款，確實會令消費者信心大打折扣。擺市集最起碼都見到你真人以及件實物貨品，加上與潛在客人面對面直接溝通，又可以直接分享你的品牌理念給客人，對你品牌的認知會更加立體而且更有溫度，成交自然事半功倍。就算當場未成交，回歸到線上也會更易成為忠實的「翻頭客」。
第三，市集可以話係一個文化大溶爐。一個市集有好多文創類的檔主，你可以係市集當中找到好多創作靈感，而且擺檔閒時同隔離檔傾下計，分分鐘會促成到合作機會，成為你日後的業務拍檔。而且通過擺市集，你不知不覺會偷到師，例如人地係點樣線下引流返上線上、點樣同客人溝通成交、點樣擺盤裝飾張枱去吸睛等等。
第四，發掘潛在機遇。你唔好以為市集無消費能力，有時候真係可以出人意表。剛剛過去聖誕節市集，有個Wedding Planner的客人行過我地個市集，本身只係唸住行下，但佢發現有檔係賣手製曲奇同果撻，除了當場買了兩塊曲奇食之外，仲同個位檔主訂了幾百件果撻同曲奇做佢婚禮客人Candy Corner的零食。呢個例子只係冰山一角，有時你更加可以係市集搵到你的上下游甚至「伯樂」。
作為Slash輕裝上陣靈活轉身係非常重要，所以創業時除了要活用Social Media同Online Store外，都可善用線下低成本擺市集，有溫度地溝通，將人流由線下帶返上線上，成為你日後的忠實「回頭客」。最後一句勉勵說話：「保持你的熱誠，你離成功不遠了」。