今年疫情對好多行業都大受影響，展銷行業當然都係首當其衝。單單7,8月好多場地都因限聚封o左，市集活動都多次延期。好多人都問我未來展銷有無得做，老實講，係有擔心過，但我對疫情過後係充滿希望。真心經過呢年幾的衝擊，大型展銷影響肯定大，因為對客人而言始終成本高。但對於小型展銷實在係一個大機遇。先唔講疫後第一波報復性消費，呢樣就比較短期。長遠小小，好多商戶除o左做餐廳之外，一般零售都唔會貿然租鋪。因為經過呢年半，【白交租】有幾痛相信好多商戶都記憶猶新。黎緊零售個趨勢將會係【網店＋展銷】。以網店同Online Marketing取代租鋪做日常零售營運。另外，周末及假日就落區做展銷打遊擊。呢個組合一來節省不少租金，二來可以用以往25%的租金接觸到多幾倍陌生人 (因為每個星期都可以擺唔同地區)。三來又可以將線下的人流帶返上線上。
再者呢幾個趨勢就係多o左好多人做市集。因為呢個疫情好多人失業。空中服務員、導遊、飲食不在話下。係求存的大環境下，佢地好多都會去搵D小手作或者宣貨品小試牛刀去市集散下貨。所以呢家都多o左好多Event公司加入市集搞手行列。
總體而言，未來呢幾年中小型展銷係有需求，而大型展銷就真係唔敢講啦。