做Roadshow想 1-Time Closing到，請你睇晒成篇去。最近多咗好多保險團隊擺Roadshow 尤其係領展車仔檔（如下圖），今日行開街市見到下圖呢檔，真係忍唔住寫呢篇文同大家講下用車仔檔做保險Roadshow有咩地方要注意。避開下面呢4個坑，1-Time Closing不是夢。
1. 枱面空盪盪做展銷又好，Roadshow又好。第一樣野要做就係吸到人地眼球。最簡單就係你枱面有貨賣，你架車吉嘅我對眼都唔會望你個邊，唔望你又點有機會approach人呢？你話保險邊有貨賣呀？係無架，但你可以賣氣派。呢樣野不得不讚某中資保險公司，佢地團隊擺咩埸都好，一定會擺啲金出嚟，例如金磚，金生肖等等。你係領展場吸師奶客當然要擺啲師奶鍾意睇嘅野啦。
2. 定位雜亂好多人覺得我比得個租金，緊係有咩就sell咩啦，唔好浪費嘛。你又唸下你想推保障產品比人，但你架車仔又寫住歡迎加入團隊，我係客經過望到我都會Confuse，究竟你係做咩架？What you want to show is your professionalism。如果你真係想做Recruit，你成間車個佈置都係以Recruit為主，放多啲你地團隊啲獎，Recruit Banner而唔係一張A4紙就算。咁樣唔擺好過擺，感觀即刻扣分，我想轉行都唔會行過嚟。係市埸定位方面，要知道自己個埸係咩類型人多。做領展場（赤柱個啲除外），通常都係街坊多，俗啲咁講師奶多。如果擺閒日你去擺MPF基本上效率唔高（返得工嘅就唔會呢個鍾數嚟買餸啦）。係領展場其實最易簽到單嘅係「短期儲蓄」，重點係要快拎到錢。對呢班Auntie嚟講，流動資金有呀，只係比銀行定係比你，回報高過銀行而且又可以每年有錢拎緊係心動啦。
3. 人丁單薄人氣係引流嘅關鍵。一架3-4個人左右比較好，3-4個人係講緊Active企出去個啲，唔計係入面打機個啲。最好要有女仔，唔係性別歧視，但唔可以否認，女士親和力係高啲，容易令人減低戒心（真心嘅靚女一定加分，人性嘛）。同埋見到人地眼球望個嚟嘅時間，最好跟多兩步，唔係死固固咁企係到睇住佢走。
4. 當埸砌Plan到你截停到個客肯聽你講，你仲要慢慢打開個I-pad，再綁wifi又login先砌到個Proposal比佢，人地真係合眼訓架。所以最好準備定Standard Proposal。你會話保險好難Standard喎，個個唔同歲數。所以我不嬲建議係領展Roadshow埸做「儲蓄」，因為儲蓄不論年齡都一樣的，只係供款唔同。以下呢一點都幾重要：「個Proposal唔使回報靚，最緊要睇到可以快提款」。頭先都講過師奶想要快拎錢，所以個Standard Propoasl最好做到愈快拎到錢愈好。